Рекордно производство на житарки оваа година, очекува ФАО
Објавено во: Агробизнис 12 Јули, 2013
Годинава производството на житарки во светот ќе достигне рекорд, со раст од околу седум отсто во однос на 2012 година, соопшти Агенцијата на Обединетите нации за храна и земјоделство (ФАО).
Растот на производството на 2,4 милиони тони житарки ќе ги пополни глобалните резерви и би требало да гарантира ценовна стабилност во 2013 и 2014 година, прогнозираат од Агенцијата.
Оттаму сметаат дека производството на жито ќе порасне за 6,8 отсто на 704 милиони тони, а производството на ориз за 1,9 отсто на 500 милиони тони.
ФАО напоменува дека за 34 земји, од кои 27 се во Африка, сепак ќе биде потребна странска помош за храна. Во Сирија со дефицит на храна се соочени четири милиони жители, бидејќи граѓанската војна го загрози производството на жито и одгледувањето на стока, а сличен развој на настаните би можел да се случи и во Египет. Во Централноафриканската република и Демократската Република Конго се интензивираат судирите со што се ставаат 8,4 милиони луѓе во опасност од недостиг на храна, заклучува ФАО.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
