Решен проблемот меѓу земјоделците и водостопанствата во врска со субвенциите
Објавено во: Агробизнис 30 Март, 2013 14:30
Владата преку системско решение ќе го решава проблемот меѓу земјоделците и водостопанските претпријатија поради кој во изминатиот период земјоделците заради нерегулиран долг кон овие претпријатија беа оневозможени да ги добијат субвенциите за 2012 година.
Предвидено е по локалните избори да се направат измени на Законот за земјоделство и рурален развој со кои ќе им се овозможи на земјоделците да го подмират долгот кон водостопанските претрпијатија заклучно до 30 октомври годинава и да аплицираат за субвенциите за 2012 година, а потоа и за 2013 година. Од друга страна, Владата ќе одвои околу 320 милиони денари за модернизација и техничка опременост на водостопанските претпријатија така што во иднина точно да се проценува на која земјоделска парцела колку вода е потрошена.
- По завршувањето на локалните избори ќе се направат измени на Законот за земјоделство и рурален развој со кои ќе се предвиди дека по усвојувањето на измените во рок од 30 дена, земјоделците на кои не им биде дадени субвенциите за 2012 година поради неплатената водарина или пашарина, ќе треба да поднесат барање за регулирање на долгот кон водостопанските претпријатија и тој долг да го регулираат заклучно со 30 октомври годинава. Притоа ќе треба да аплицираат за субвенциите за 2012 и за 2013 година, изјави денеска владиниот портпарол Александар Ѓорѓиев.
Ваквото решение, како што појасни Ѓорѓиев, е донесено по низата претставки што во изминатиот период земјоделците ги доставиле до Владата со барање да се реши овој отворен проблем.
- На овој начин воспоставивме систем кој во идниот период ќе превенира определени предизвики кои ќе се јавуваат, а од друга страна им овозможивме на оние земјоделци кои имале оспорени пробарувања да ги добијат субвенциите од програмата за 2013 година и да аплицираат за нови субвенции, рече Ѓорѓиев.
Со ова понудено решение од страна на Владата ќе се реши проблемот на над 2.000 земјоделци низ целата држава.
Предвидена е и сериозна поддршка за индивидуалните земјоделци за искористување на бунарите што се наоѓаат на нивното подрачје. Предвидено е Владата да покрива 50 проценти од трошоците за воведувањето во работа на овие бунарски системи.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ИМА ДОБРИ ПРИНОСИ, А БАРА МАЛКУ ЃУБРИВО: Оваа култура станува популарна во Војводина
Koj е најголемиот европски центар за производство на зеленчук?
