Револуција во онлајн кредитирањето: СН Финансии создаде неперсонализирана картичка, се доделува за 15 минути

Добивај вести на Viber

Финансиското друштво за брзи кредити СН Финансии во Битола ја промовираше првата неперсонализирана при-пејд кредитна картичка, која може да се добие за 15 минути. Станува збор за SN VISA card. Првата Финтек компанија во Македонија основана со домашен капитал ФД СН Финансии го изведе проектот заедно со Силк Роуд Банка.

Од СН Финансии велат дека ова е најкраток рок на чекање до кеш кој е познат на овие простори, а начинот е наједноставен. Првите картички започнаа да се доделуваат во петокот. Лимитот кој може да се потроши е 120.000 денари, а каматата зависи од повеќе категории и критериуми, вели Никола Јошевски, генералниот директор на СН Финансии.

- Обврските за враќање на заемот се пропишани со амортизационен план и со договор. Најголемиот рок за враќање на кредитот е 60 месеци, а колкава ќе биде каматата зависи токму од должината на времето кое ќе ви биде потребно да го вратите, вели менаџерот на ФинТек проектот.

Јошевски во својот говор додаде дека ова е прво вакво партнерство кај нас помеѓу банка и  финансиско друштво. 

- Развојот на ФинТек индустријата во светот и кај нас е неминовен, а ние сме лидери и сме горди на тоа, рече Јошевски.

Според него, VISA е гаранција дека ова ќе овозможи побрз пристап до кеш до поединци, бизниси и економии кои сакаат да напредуваат. 

- Незапирливиот фокус на ФД СН Финансии е кон иновации, како основен катализатор за брзиот раст на дигиталната трговија на кој било уред за секого, насекаде, вели Јошевски и додава дека овој чекор претставуива револуција во онлајн кредитирањето.

Инаку СН Финансиско Друштво во последните пет години работи на полето на кредитирањето, платежните картички, издавањето на гаранции, како и факторинг услугите.

А.К.