Рокот истече, казна за винарските визби кои не им платиле на лозарите
Објавено во: Агробизнис 07 Мај, 2013
Со казни од 2.500 до 5.000 евра за правното лице кое нема да достави навреме извештај или од 600 до 1.000 евра за одговорното лице,Министерството за земјоделство, шумарство и водостопанство побара од винарските визби да ги платат своите долгови кон лозарите за откупеното грозје во претходните години и да ги достават извештаите за исплата.
„Одговорното лице на производителот на вино ќе се казни за кривично дело со затвор од една до пет години доколку достави невистинит извештај за исполнети финансиски обврски за купено винско грозје во претходната година, додека производителот на вино ќе биде избришан од Регистарот ако достави невистинит извештај или воопшто не го достави“, посочуваат од Министерството.
Оттаму потсетија и дека сите производители на вино се должни секоја година најдоцна до 30 април да достават извештај за претходната година за исполнување финансиски обврски за купено винско грозје од проиводителите.
Можеби ќе ве интересира
ВО МАКЕДОНСКИТЕ ПЧЕЛАРНИЦИ СÈ ПОЧЕСТО ИМА ДРВЦА ПАУЛОВНИЈА: Кој е бенефитот од нив?
