Добивај вести на Viber
Рудниците „Саса“ кај Македонска Каменица и „Бучим“ кај Радовиш цврсто го држат своето место на извозните позиции во македонската економија. 60 милиони евра се слеале од извоз во рудникот „Бучим. Ископани се 9.200 тони бакар, 2000 тони катоден бакар и 400 килограми злато, со што радовишките рудари и покрај кризата ги надминале сопствените прогнози.
Од другастрана рудникот САСА ќе биде првиот во државата кој ќе добие А интегрирана дозвола. Оваа најава покажува дека рудникот успеал во предвидениот рок да ги исполни условите за добивање на еколошката дозвола која ја бара законот за животна средина. До сега се вложени 2,5 милиони евра, а според планот потребни се дополнителни инвестиции од 1,9 милиони.
Најголемите рудни капацитети во источна Македонија не се соочуваат со некои поголеми проблеми, освен со ситни административни, тврди првиот човек на стопанката комора, Бранко Азески, кој се сретна со првите луѓе на комбинатот. Азески очекува и наредните години да се подобрува извозното салдо и биланс на рудниците.