Русија ги стопира македонските праски и кајсии
Објавено во: Агробизнис 10 Август, 2018
Русија од 15 август го стопира увозот на македонските праски и кајсии, поради наоди за болеста „кафено гниење“ евидентирана од Одделот за надзор, објави ИТАР-ТАСС.
Со оглед на сериозноста на ситуацијата од земјите извозници (Србија и Македонија) се бараат сеопфатни мерки за да се спречи извоз на контаминирани производи, се вели во извештајот.
Слична е ситуацијата и во текот на разговорите со Македонија. Руските експерти идентификуваа три случаи на инфекција при примени пратки од страна на Русија од Македонија.
Копии од документите руската агенција ќе ги испрати во Македонија што е можно поскоро.
Заменик-шефот на Одделот за надзор, упати апел до македонската страна да се спроведе темелна истрага за овие факти и да испрати повратна информација.