Русија го продолжи за една година ембаргото врз храната од Западот

Добивај вести на Viber

Рускиот претседател Владимир Путин го продолжи за уште една година ембаргото врз храната, воведена како одговор на економските санкции на ЕУ. Претседателот ја објавил својата одлука по состанокот со членовите на владата.

„Владата се обрати кон мене со писмо за барање да ги продолжам мерките што ги зедовме во одговор на овие активности на нашите партнери во некои држави. Денес јас, во согласност со ова писмо, потпишав декрет со кој се продолжува дејството на одделни специјални економски мерки кои си поставуваат за цел воспоставување на безбедноста на Руската Федерација“, изјавил Путин.

Министрите за надворешни работи на ЕУ одлучија да ги продолжат економските санкции против Русија до 31 јануари 2016, и тие стапуваат на сила на 23 јуни. Санкциите вклучуваат ограничувања во кредитирањето на руските државни банки, претпријатија од воените комплекси, како и за набавка на оружје, воена опрема и технологија со потенцијална двојна употреба.

Кремљ постојано посочува дека во однос на санкциите дејствува по „принцип на реципроцитет“. Во истиот ден кога ЕУ одлучи да ги продолжи санкциите, владата поднесе до администрацијата на претседателот документ со барање за продолжување на ембаргото. Прессекратарот на премиерот Дмитриј Медведев Наталија Тимакова соопштила дека листата на производите вклучени во ембаргото, останува непроменета, „со исклучок на претходните случаи под кои производите се потребни за реализација на програмата за замена на увозот“. Таа појасни дека станува збор за биоматеријали.

Не е познато точно какви измени се вметнуваат во листата со санкциите.

Претходно денеска министерот за земјоделство Александар Ткачев најавил дека Русија може да го забрани увозот и на цвеќиња и чоколадо од земјите кои се предмет на ембаргото на храната.