Русија преминува на национални платежни картички

„Мора да лансираме сопствена „пластика“ (национална платежна картичка) оваа година“, рекол Путин, на сесијата со новинарите последниот ден на самитот на земјите на БРИКС (Бразил, Русија, Индија, Кина, Јужноафричката Република) во рускиот град Уфа.

Според неговите зборови, националните платежни картички треба да се развиваат така да можат да се користат и во странство, а не само на територијата на Руската Федерација.

Најмалку 97 одсто од клиентите во Русија користат MasterCard и Viza картица, навел Путин, додавајќи: „Дали тоа е нормално?Не!“.

Како што рекол, Москва „им дозволува на партнерите така да прават, бидејќи смета дека економијата е над политиката“.

„Се воспостави дека тоа не е случај“, рекол тој, оценувајќи дека економијата се „Користи како инструмент на политичка борба“ и затоа Русија мора да донесе одлука, што не значи дека „ќе подигне ѕид“ околу границите на земјата.

„Ќе ги користиме сите инструменти на соработка со сите земји - со САД, ЕУ и азиските држави“, рекол Путин, додавајќи дека Москва ќе ги развива односите „пред се, со оние кои сакаат да соработуваат со нас“.

„Земјите на БРИКС го сакаат тоа (соработка) , тоа се моќни земји со изгледи за стратешки развој, тоа се идни лидери на светот и глобалната економија“, заклучил претседателот на Русија.