РУСИЈА – ЗАПАД: Кој од кого е посилен?

Добивај вести на Viber

Русија нема да се соочи со построги економски санкции, иако неодамна им забрани на десетици претставници од Европската унија (ЕУ) да влегуваат на нејзината територија, изјави за CNBC поранешниот американски дипломат Боб Хорматс. "Мислам дека Европјаните не се усогласиле меѓусебно за тоа дали треба да има построги санкции. Не мислам дека ќе го сторат тоа. Не мислам и дека треба да го прават тоа", изјави поранешниот прв државен секретар за прашањата за економскиот раст. Хорматс додаде вера дека САД не можат да бидат во можност да наметнат построги санкции на Москва, бидејќи нема да имаат поддршката на некои од сојузниците, вклучувајќи ја Италија и Грција - две земји кои имаат блиски трговски односи со Русија. "(Владимир Путин) не се потпира само на руската сила ... Тој се обложува и на слабоста на Западот. Тој се обложува дека Европа нема да се договори за построги санкции. Тој се обложува дека САД и Европа нема да сторат ништо, ако тој одлучи да ја нападне Украина ", рече Хорматс, кој во моментов е заменик-претседател на Kissinger Associates. Во текот на викендот ЕУ остро реагираше на руската црна листа, која вклучува 89 граѓани на ЕУ. Забраната да влегуваат во Русија е наметната на поранешни премиери, министри за надворешни работи, европратеници и разузнавачи, пренесува рускиот весник Ведомости. Меѓу нив се забележуваат имињата на поранешниот британски вицепремиер Ник Клег, на експремиерот и европратеник од Белгија Гај Верхофстадт, на комесарот за проширување на ЕУ, Штефан Филе, на францускиот новинар Бернар-Анри Леви, на финскиот европратеник Хејди Хаутала и други. Многу од вклучените во списокот имиња се отворени критичари на Кремљ, од кои некои биле вратени од Русија во последниве месеци. Од ЕУ додаваат дека неколкупати упатувале барање појаснување за листата, но ништо не било обезбедено до овој момент. Портпаролот на ЕУ коментира дека "листата на 89-те имиња е испратена од руските власти". "Ние немаме други информации на правна база, критериум или метод за ова решение. Ние ја сметаме оваа мерка за апсолутно произволна и неправедна, особено во отсуство на дополнително појаснување и транспарентност", додава тој. К.К.