Русин ќе е првиот човек со трансплантиранa глава

Добивај вести на Viber

Деновиве беше откриено името на првиот човек кој доброволно се согласи да учествува во операцијата експеримент за трансплантација на цела глава, пренесе The Independent.

Валери Спиридонов ќе биде првиот човек во историјата на медицината, кој ќе ja помине оваа контроверзна операција. Трансплантацијата ќе биде извршена од страна на д-р Серџо Канаваро, кој е оптимист дека со денешните медицински технологии таа е целосно можна.

Согласноста e доброволнa на пациентот болен од ретка генетска болест синдром на Уердинг-Хофман со кој полека се распаѓаат ткивата на мускулите. Спиридонов дознал за истражувањата на д-р Канаверал и доброволно посакал да се подложи на страшна и контрадикторна операција. "Дали ми е страв? Секако дека ми е страв. Многу е страшно, но во исто време е и многу интересно ", изјави Спиридонов пред руски медиуми. "Треба да се разбере дека немам многу опции. Ако не ја искористам оваа шанса, судбината ќе ми биде многу тажна, бидејќи со секоја измината година моето здравје се влошува ", додава тој.

Според д-р Серџо Канаваро, операцијата ќе биде остварена до две години. Други медицински лица изразија загриженост дека е можно постапката да не биде успешна. Во исто време истакнаа дека ако сепак се помине добро, слична трансплантација нема да се прави само ако даден пациент не го сака своето тело и сака ново. Ако операцијата е успешна, таа ќе се применува само на луѓе болни од тешки дегенеративни болести, така што главата им ќе биде трансплантирана на здраво тело од пациент во мозочна смрт.

Такво нешто никогаш не е направено со човек, но д-р Канаваро е сигурен дека со модерната медицина и технологија е сосема можно. Од друга страна, дел од неговите колеги го нарекуваат д-р Франкенштајн.