РУСКА АМБАСАДА „МУ СЕ ФРЛИ“ НА ГРУБИ: Се измеша кризата со мистични сили и вонземјани!
Објавено во: Македонија 03 Декември, 2016
Руската амбасада не му премолчи на пратеникот и шеф на кабинет на ДУИ Артан Груби кој пред неколку дена во една дебата на Алсат-М изјави дека во Македонија влијаеле некои мистериозни евроазиски сили кои сакале да создадат безбедносни проблеми и да ги дестабилизираат и земјава, и регионот и дека тие стојат зад кризата во земјава.
Станислав Лупин на социјалните мрежи распали по Груби.
„Симптоматично е сепак дека г-дин Груби не наведе никакви конкретни факти кои би ја поткрепиле оваа негова теза, само се повика на некои неименувани “политички истражувања”. Мислам дека со истиот успех човекот би можел да даде изјава на пример за поткопувачки активности во Македонија од страна на вонземјани или пак на некои мистични сили. Се создава впечаток дека ваквите небулози имаат за цел исклучиво да го оттргнат вниманието на граѓаните од вистинското мешање во внатрешните работи на Македонија од страна на извесни западни држави кое се случува веќе повеќе години што отворено го признаваат, па дури и го поздравуваат одделни учесници во истата дебата на “Алсат-М”. Фрапантни и неспорни факти за таквото мешање, а значи кршење на суверенитетот на Македонија им се добро познати на сите и нема потреба да се спомнуваат пак. Секои избори кога-тогаш завршуваат. Убеден сум дека обидите на одделни политичари по секоја цена да го привлечат вниманието на избирачите, па дури и на најекстравагантен начин, да бараат објаснување за актуелната криза во Република Македонија со активности на некои си таинствени “евроазиски сили”, соодветно ќе бидат сфатени од граѓаните со здрав разум и смисла за хумор“, стои во соопштението, потпишано од портпаролот на Станислав Лупин, руски амбасадор во Р.М.
Груби пак го возврати ударот, гледајќи на реакцијата како неважна, вели дека не знае зошто руските власти почувствувале дека тие се прозвани да одговорат на неговото интервју.
„Како што велат нашите предци, Албанците, сонцето заоѓа на запад, така и ние остануваме посветени да се донесе оваа национална цел да се интегрираме во целина во НАТО и во Европската унија“, напиша Груби на Фејсбук.
Можеби ќе ве интересира
ПО ТРАГЕДИЈАТА ВО ПРИЛЕП: Што велат психолозите, треба ли луѓето да се тестираат дали се спремни за родители?
БРОЈОТ НА ЗАБОЛЕНИ ОД ГРИП ВО ПОРАСТ, ВТОРОТО ПОЛУГОДИЕ ПОЧНУВА НАВРЕМЕ: Постои ли зголемен ризик од ширење на сезонскиот вирус
„РАЗБИРАМ ВЕРНИЧКА, РАЗБИРАМ ТРАДИЦИИ, АМА СЕКОЈ БОЖЈИ ПРАЗНИК СО/ДО ПОГЛАВАРОТ ДА БИДЕШ?“ Ванковска за Силјановска Давкова и вчерашното одбележување на Водици
„ДОБРО УТРО ОД ВАШИНГТОН“: Муцунски со селфи ја поздрави Македонија од САД
СЛЕДНИОТ ВИКЕНД ПРОБИВА ПОТОПЛА ВОЗДУШНА МАСА ОД ЈУГ КОН МАКЕДОНИЈА: Температури и над 15 степени! Попоски со најава
ТРОЈЦА СЕ ВО БЕГСТВО, ШТЕКЛИ Е ВО ПРИТВОР, А ТОА СЕ БАРА ЗА УШТЕ ДЕВЕТМИНА - ова ги чека членовите на бандата кои продаваа дрога по нашите улици
„СО УСТАВОТ ДО КАДЕ СТЕ, АЛБАНИЈА ВЕЌЕ ОРГАНИЗИРА СВЕТСКИ НАСТАНИ“ - Златко Ориѓански со суптилна порака
ДОБРО ВИДЕТЕ КОЈ Е, ПРЕД НЕКОМУ ДА ОТВОРИТЕ ВРАТА - еве како напаѓал и крадел 26-годишен скопјанец
МНОГУ ТАЖНА ВЕСТ: Почина 17 годишното дете кое настрада од струен удар додека се снимало на вагон од цистерна
