Рускиот амбасадор во Македонија: ЌЕ ИМА САНКЦИИ
Објавено во: Македонија 29 Март, 2018
Рускиот амбасадор во Македонија, Олег Шчербак на денешната прес-конференција изјави дека врз основа на уцена, политички притисок и евроатланска солидарност неосновано се протеруваат руски дипломати во врска со случајот Скрипал. Тој исто така кажа дека неговата земја планира цел комплекс на мерки и санкции.
„Мислам дека во овој случај станува збор за политичката нарачка и задача за да се обезбеди учество на Македонија во колективните мерки на сите земји членки на ЕУ и на НАТО во знак на солидарност со случајот Скрипал. Што се однесува за тврдењата дадени потоа, македонската страна не сака да ни обезбеди докази дека рускиот дипломат кој се протерува се занимавал со дејности кои излегуваат надвор од мандатот и виенската конвенција“, рече Шчербак.
Тој порача дека иако Македонија одлуката ја донела под влијание од надвор, тоа не ја ослободува од одговорност.