Руските тајкуни ги враќаат парите дома - Планот е генијален
Објавено во: Финансии 07 Декември, 2017
Во Русија наскоро ќе започне еден обратен тренд на враќање на огромни количини на средства наместо нивно преселување на пазарите ширум светот. Заканата од нови американски санкции насочени кон рускиот бизнис ќе натера голем број на руски тајкуни да го повлечат инвестираниот капитал со цел да не се доведат во ситуација средствата да им бидат замрзнати како што тоа знае да го побара американската влада преку наметнатите санцкии.
Затоа тајкуните и богатите руски инвеститори повеќе не се чуствуваат премногу сигурно во нивните инвестиции во странство, особено во земји кои лесно би ги прифатиле американските барања за нови санкции и би примениле строги економски политики кон руските бизнис.
Сепак, за тајкуните проблем е што руската рубља е многу поскапа односно нејзината цена вештачки беше одржувана по наредба на Путин за да не трпи огромни штети домашната економија во ек на санкции. Затоа тајкуните ќе побараат од руското министерство за финансии да издаде нова поволна еврообврзница која тие би ја купиле, односно ќе имаат гаранција дека вредноста на средствата со кои располагаат ќе биде задрржана.
На овој начин и руската држава политички нема да биде гневна бидејќи ќе се поддржи еврото како основна валута за размената на пари, а не американскиот долар за кого Русија прави големи напори целосно да ја намали зависноста, па дури и да им нанесе загуби на САД.
Бизнисмените од Русија бараат еврообврзницата да вреди околу 3 милијарди евра за да може да си ги повлечат своите пари назад во татковината.