Руските туристички агенции демантираат: Русите масовно на одмор - Нема криза во Црна Гора!
Објавено во: Балкан 31 Март, 2017
Руските туристички агенции ги демантираат неодамнешните наводи на државните телевизии дека на Црна Гора и се заканува тешка економска криза, вклучувајќи ја и туристичката поради влезот на земјата во НАТО и наведуваат дека состојбата е целосно поинаква, соопшти порталот Tourprom.ru.
Порталот кој месечно има околу милион прегледи , наведува дека анкетата направена помеѓу туристичките агенции покажала дека побараувачката за аранжмани во претпродажба пораснала неколку пати, а дека за некои хотели аранжманите се веќе распродадени.
„Земајќи ја предвид важноста на туризмот за Црна Гора, таа од сите сили се подготвува за сезоната. Притиа за разлика од она што е кажано во репортажата, се очекува голем број на доаѓање на странски туристи. Претпродажбата на рускиот пазар ја надмина два до три пати продажбата во оснос на најдобра година. Проблемот сега е што многу хотели и вили ја запреле продажбата за шпиц сезоната, или планираат тоа да го направат“, рекла за порталот шефот на одделението за Црна Гора "ICS Travel Group" Наталија Марголина.
Според нејзините зборови, состојбата во Црна Гора сега е мирна, се одвива обична политичка борба, која не влијае на економијата.
„При тоа кон Русите, руските туристи многу добро се однесуваат, постои, може да се каже братски однос“, рекла таа.
Порталот наведува дека што се однесува до безбедноста, состојбата не се променила.
„Луѓето живат како и обично. Црна Гора е мала, многумина се знаат едни со други, што значи дека и сериозен криминал не може да има“, рекла Марголина.
Пред неколку дена на руските државни телевизии беше пренесувана веста и пораки до Русите да не летуваат во Црна Гора бидејќи таа станала опасна болести, со нечисти плажи, криминал и болести.