САД донираше возила, опрема и оружје за македонската Армија

Добивај вести на Viber

Oпрема вредна 6 милиони долари од САД доби денеска македонската армија. Донирани се возила, оружје, радио предаватели, како друга тешка опрема. Ова, за министерот за одбрана Талат Џафери, е само продолжување на досегашната поддршка која САД ја дава уште од 1996 година. „Опремата што е пред нас е само дел од севкупната донација, односно средствата кои се пристигнати во 2013 година, а чија вредност изнесува 6 милиони долари“, рече Џафери. Целокупната помош од САД за АРМ одамна ја надминува сумата од 100 милиони долари. Министерот ја истакна цврстата определба на Министерството за изградба на армија со која Македонија ќе застане, како што кажа рамо до рамо, со сојузниците, а со своите капацитети ќе придонесува како и досега за безбедноста и стабилноста, како на регионално така и на глобално ниво. Пол Волерс, амбасадорот на САД во Македонија, посочи дека со задоволство помагаат во трансформација на силите на АРМ. „Опремата не се однесува само на обезбедување на возила, оружје, радија и или друга тешка опрема. Таа се однесува на зголемување на интероперативноста преку заеднички платформи“, истакна Волерс.