Саемот за мебел ќе се одржи од 26 до 31 март

Добивај вести на Viber

Саемот за мебел 2013 на кој ќе се претстават голем број изложувачи, односно производители на мебел ќе се отвори во вторник на 26 март и ќе трае до 31 март на целиот капацитет на Скопски саем. Овој саем ќе биде место за промоција на најновите трендови во производството на мебел пред потрошувачите. Оваа специјализирана изложбено-комерцијална саемска манифестација прерасна во центар за соработка помеѓу производителите и трговците од нашата земја, регионот па и пошироко. Ќе се претствата над 160 директни учесници од Италија, Грција, Бугарија, Германија, Србија, Хрватска, Словенија, Косово, Австрија, Чешка Македонија како домаќин бележи значителен пораст во изложувачкиот дел со нови производни компании од оваа област. Преку групно учество и оваа година Турција ќе го претстави својот изострен вкус за дизајн, производство на мебел и репроматеријали. Посетителите може да добијат дополителна инспирација за уредување и нови дизајни во неколку категории: мебел за дом и ентериер, мебел за кујни и бањи, спални и детски соби; мебел за канцеларии и уредување на канцелариски простор, мебел за градини и хортикултурно уредување, мебел за јавни објекти, машини и алати за индустријата на мебел, како и посебна категорија на акцесоари за уредување на ентериери и екстериери. - Минатата година оваа саемска манифестација ја посетија повеќе од 50.000 посетители. Оваа година се очекува Мебел 2013 да привлече уште поголем број на посетители во текот на шесте саемски денови. Големата заинтересираност од страна на посетитетлите е поради сè почестата потреба односно порив за промена, освежување, адаптирање во своите домови, а пак од друга страна, производителите се спремни со своите креативни дизајн решенија да ги задоволат потребите на потрошувачите,” изјави оперативниот директор на проектот Мебел 2013,Магдалена Хамбова. За првпат годинава, Скопски саем додели иизложбен простор без надомест на СОС Детско Село. Штитениците ќе имаат своја промоција, ќе го презентираат она што со љубов го создаваат и ќе го споделат и понудат на посетителите. Оваа соработка со СОС Детско Село во иднина ќе прерасне во составен дел од оваа најпосетена манифестација.