САКАЛЕ ДА МУ ЈА ПРОДАДАТ ДРОГАТА НА ГРЧКИ ДРЖАВЈАНИН - Полицијата ги фатила во Дојран, Обвинителството поведе истрага
Објавено во: Македонија 22 Март, 2025 09:26
Основното јавно обвинителство Гевгелија донесе Наредба за спроведување истражна постапка против три лица, бидејќи постои основано сомнение дека сториле кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.
Осомничените, двајца жители на селото Стојаково и еден од Валандово, учествувале и посредувале во продажба на околу 5 килограми марихуана која ја набавил првоосомничениот.
Три килограми од дрогата се договориле да ја продадат на купувач – грчки државјанин за сума од 9.000 евра. При обид да ја продадат дрогата на локација во Дојран, полициски службеници ги затекнале. На лице место биле уапсени двајца од осомничените, додека третиот се дал во бегство, но набрзо и тој бил приведен.
Дополнително, во близина на Богданци е пронајдена преостанатата дрога која им била наменета за продажба.
Со образложение дека осомничените би можеле да се дадат во бегство, да ја попречуваат истрагата со влијание врз сведоците или соучесниците, да ги сокријат или да ги уништат трагите од кривичното дело, но и дека ќе го повторат делото за кое се гонат, јавниот обвинител до Судот достави предлог за определување мерка притвор за сите тројца осомничени.
Можеби ќе ве интересира
ПОРАКА ОД МАРШОТ: Сакаме да останеме да живеемe тука и да ни е безбедно
МАЖ ПУКАЛ ВО ЦЕНТАРОТ ЗА СОЦИЈАЛНИ РАБОТИ ВО ПРИЛЕП: Ранил службеничка која заврши во болница
ЉАТИФИ-АЗИЗИ: Во странство се лекуваат 116 пациенти, а оваа недела се очекува 8 да се вратат
МИТЕВА: Направени се 116 вонредни надзори, изречени се забрани
ОВА ГИ НАДМИНА СИТЕ ГРАНИЦИ: Јован Јанев објави дека ја напушта Левица
Исклучена струјата на ЈСП Струмица Транспорт, градоначалникот Костадинов вели дека тоа е смислен потег
„ДИСКОТЕКАТА „ПУЛС“ НЕ БИЛА ПЛОМБИРАНА, ИЗРЕЧЕНА Е КАЗНА ЗА ПРЕКРШОК“: УЈП соопшти и други детали
САБОТА СПРОТИ НЕДЕЛА СТРЕЛКИТЕ НА ЧАСОВНИКОТ ОДАТ ЕДЕН ЧАС НАНАПРЕД: Од 30. март почнува летното сметање на времето
