Самитот во Санкт Петерсбург заврши – договор за Јужен поток сеуште нема

Добивај вести на Viber

Иако, најавено сепак на економскиот самит во Санкт Петерсбург Македонија не потпиша договор со Русија за вклучување на Македонија кон гасоводниот проект Јужен поток. На самитот македонската делегација ја предводеа министрите за финансии и економија Зоран Ставрески и Ваљон Сарачини, но сепак информација за тоа што се случува со вклучувањето на земјава во проектот Јужен Поток не даде ниту една институција. Инаку,  министерот Ставрески минатата недела најави дека токму на петерсбуршкиот самит ќе биде потпишан договор за Јужен поток. „Следната недела заедно со премиерот Никола Груевски ќе бидам во Русија. На крајот на неделата во рамките на Форумот во Санкт Петербург ќе се потпише договорот меѓу Русија и Македонија за влегување на нашата земја во Јужен тек“, изјави на 11 –ти јуни, 2013 година, министерот за финансии Зоран Ставрески. Дека немаше навестувања за потпишување на ваков договор на форумот во Санкт Петерсбург можеше да се регистрира и на официјалниот веб сајт на форумот каде во ниту еден од предвидените договори за потпишување го немаше најавениот  договор меѓу Македонија и Русија за Јужен поток.