Само 5 до 7 отсто од вработените жени се на менаџерски позиции

Добивај вести на Viber

32 проценти од компаниите во Македонија  се основани од жени, што е над просекот во Европската унија. Преку програмата за женско претприемништво од 2012-та, државата активно ги поддржува жените кои сакаат да имаат свои компании, изјави министерот за економија Ваљон Сараќини на денешната средба во Националниот совет за родова рамноправност основан од Сојузот на организации на жени, на одбележувањето на Меѓународниот ден на жената – 8 Март. Бројката на жени кои се на менаџерска позиција се некаде од пет до седум проценти, а од вкупниот број вработени во земјава 39,5 проценти се жени. Сарачини истакна и дека за поттикнување на женското претприемништво мината година се обебедени 1,3 милиони денари за субвенции. - За годинава Министерството буџетот за оваа намена во министерството за економија е зголемен и изнесува 2,4 милиони денари што сметаме дека се доволно средства за покривање на трошоците на околу 20 жени претприемачи кои би аплицирале и би ги исплниле условите согласно програмите - рече Сараќини. Сепак од СОЖМ сметаат дека сеуште е присутна родовата дикриминација при вработувањето. На меѓународниот ден на жената побараа процентот на вработени жени да е право пропорционален со вкупниот број на жени во земјава, а не како што сега е случај – вработени да бидат околу 39 отсто од нив. Потенцираат дека и покрај сите напори сеуште се присутни стереотипите. - Сигурно може да ги видиме жените и во поголеми претпријатија, освен на она што е најголемиот процент. Не дека се помалку важни, но повеќето се на фризерски, козметички и кројачки претпријатија. Тоа е стереотипното. Ако ние влијаеме да се променат стереотипите нема поделба на работата на машка и женска, изјави  Савка Тодоровска претседател на Сојузот на организации на жени.