САМО СЕДУММИНА СЕ ВРАТИЛЕ ОД ПОЛСКА СО ХУМАНИТАРЕН ЛЕТ - две недели ќе бидат во државен карантин
Објавено во: Македонија 22 Март, 2020
Седум македонски граѓани кои биле затечени во Полска се вратиле денеска во земјава со хуманитрен лет и следните 15 дена ќе бидат во државен карантин.
Помош од МНР да се вратат од Полска побарале 33 наши државјани, но потоа да си дојдат одлучиле само седум од нив, поради задолжителниот државен карантин.
За ова министерот за надворешни работи Никола Димитров извести на својот фејсбук профил.
„Ја информирам јавноста дека денес во утринските часови на Меѓународниот аеродром Скопје слета полски хуманитарен чартер лет за да си ги врати дома полските државјани затечени во Северна Македонија. Во соработка со полското МНР, понудивме враќање во земјата на македонските државјани во Полска кои побарале помош преку нашата Амбасада во Варшава. Од вкупно 33 пријавени, седум граѓани се согласија да бидат во задолжителен карантин и денес се вратија. Добредојдовте дома! Благодарност до Полска!“, напиша шефот на дипломатијата.