Samsung влегува во авто индустријата, преземен Harman за 8 милијарди долари
Објавено во: Економија 14 Ноември, 2016
Samsung ја направи досега највредната инквизиција за влез во авто индустријата преземајќи го американскиот производител Harman за 8 милијарди долари. За преземањето Samsung плати по 112 долари за акција во кеш.
Harman кој е базиран во сојузната држава Конектикат е еден од лидерите за изработка на поврзани системи за автомобили со напредни и модерни функции и технологии и Samsung смета дека токму ваков вид на знаење и портфолиот ќе ги зајакне нивните способности за иновации во областа на смарт автомобилите кои се следната значајна област на развој и со тоа потенцијално високи профити во иднина.
Речиси сите познати автомобилски брендови развиваат свои смарт системи за управување на автомобилите со се поголема интеграција со мобилните телефони, па токму тука Samsung ја гледа својата шанса.
Производите на Harman за информациони системи, безбедност и забава во автомобилите ги користат брендови како BMW, Toyota Motor Corp, Volkswagen и е застапен во околу 30 милиони возила.