СДСМ бара во јануари, Ристовски ќе им даде во март покачувања на пензионерите

Добивај вести на Viber

Министерот за труд и социјална политика Спиро Ристовски денеска го отфрли амандманот на пратеничката група на СДСМ, со кој тие бараа зголемувањето на пензиите да биде од 1 јануари следната година, наместо од март 3013-та како што претходно најави Владата. „Немаме намера да влегуваме во овие дневно-политички ситуации. Ќе ја реализираме програмата на Владата со која се предвидува зголемување на пензиите од март следната година“, истакна Ристовски на седницата на собраниската Комисија за труд и социјална политика. Од опозицијата ја обвинија најголемата владејачка партија ВМРО-ДПМНЕ за лицемерие во однос на пензионерите како важна целна група за изборите. Според претседателката на Комисијата Цветанка Иванова, несфатливо е зошто на седницата не присуствува претседателот на Собранието, кој ја закажа оваа седница откако Иванова одби да го стори тоа. Таа исто така рече дека ќе ја закаже оваа седница со девет закони дури откако ќе помине распрвата за 15.000 амандмани на ДУИ и биде донесен Законот за бранители. Реплицираше Министерот кој истакна дека во ситуација кога СДСМ кажува дека Фондот за пензиско е празен, сега истата партија бара зголемување на пензиите од 1 јануари, по што следеше жестокаа дискусија. Освен Предлог-законот за дополнување на Законот за пензиското и инвалидското осигурување, по скратена постапка, на дневен ред на оваа седница се измените и дополнувањата на Законот за социјална заштита, по скратена постапка и други седум текстови во прво и во второ читање.