СДСМ контра Иванов: Изборите се спас за Груевски, решение за кризата е само нова Влада!

Добивај вести на Viber

Опозицијата писмено ќе го извести шефот на државата за конститутивната седница и изборот на новиот спикер кој како што соопштија од кабинетот на СДСМ ќе биде должен веднаш да му го даде мандатот на Заев.

Од СДСМ реагираат на изјавата на Ѓорге Иванов во интервју за унгарскиот весник Маѓар Хирлап каде посочува дека едно од можните реженија за излес од кризата се нови избори.

„Ѓорге Иванов нема право за личен спас на НиколаГруевски да ги држи во заложништво граѓаните и Република Македонија!

Со денешното интервју, Иванов самиот се разобличи во намерата да го поддржува Груевски во неговата цел за продлабочување на политичката криза. 

Но, двајцата, не смеат да го уриваат уставниот поредок, да предизвикуваат дестабилизација, да излегуваат со неразумни барања за нови избори,само затоа што Груевски има потреба да бара спас од одговорноста за криминалите што ги правел“, стои во реакцијата на СДСМ. 

Според партијата на Заев пак, единствено  решение за излез од кризата е формирање нова Влада во најкус можен рок. 

„Партиите треба да го бараат решението преку одговорно однесување, а во согласност со Уставот на Република Македонија. Ниту едно решение не смее да го поткопа унитарниот карактер на државата и мора да биде во насока на заштита на државните интереси на Република Македонија. Се разбира, можно решение за надминување на ситуацијата се и нови предвремени парламентарни избори на кои граѓаните ќе се изјаснат и за темите кои се наметнаа во постизборниот период, вели претседателот Иванов, во интервју за еден од најпрестижните и најтиражните унгарски весници „Magyar Hírlap“.

Иванов изјави дека дел од барањата на партиите од албанскиот политички блок, се во судир со Уставот на Република Македонија и не соодветствуваат со реалната состојба во земјава.