СДСМ најавува пренаменување на парите од Панорамското тркало за спречување на загадувањето
Објавено во: Македонија 27 Декември, 2016
Стоп за панорамското тркало и пренаменување на парите за намалување на загадувањето на воздухот.
Ова денеска го најавија од опозицијата.
Од партијата на Зоран Заев сметаат дека е неодговорно да се полнат клиниките со болни деца и граѓани, а на градоначалничкиот состанок да не се донесе ниту една ефективна мерка против загадувањето кое ги гуши Скопјани.
Од СДСМ потенцираат дека тоа што власта не успеала да го направи во изминатите 10 години, ќе го спроведе новата одговорна Влада.
Меѓудругото од СДСМ најавија гасификација на Скопје и другите градови во земјава.
Посочуваат дека со парите кои Владата во изминатите неколку години ги потрошила за барокни споменици и фасади ќе овозможат бесплатен јавен превоз за сите граѓани во деновите на високо загадување и субвенции за греење за социјално најранливите категории, а ќе стават стоп на сите градежни активности во Скопје.