СДСМ од Водно претстави план за чист воздух

Добивај вести на Viber

Опозицијата од Водно денска го претстави нивниот план за решавање на  сериозен проблем кој директно влијае здравјето на граѓаните.

Наместо краткрочни и ненавремени мерки за квалитетен воздух, потребен е сериозен пристап во решавање на овој проблем, сметаат од партијата на Заев.

Дамјан Манчевски, потпретседател на СДСМ , пред медиумите истакна дека во Планот за Македонија СДСМ имала предвидено на мерки за намалување на загадувањето на воздухот.

„По промените на 11 декември, ќе го вратиме зеленилото во градските средини преку зголемување на задолжителниот процент на зеленило во Законот за просторното и урбанистичкото планирање.

Гасификацијата на Скопје е наш стратешки проект, со тоа ќе се намали и загадувањето на воздухот, затоа што голем дел од домаќинствата ќе се префрлат да се грејат на гас.

Во сообраќајот ќе промовираме употреба на гасни горива од типот природен гас и пропан-бутан. Ќе го стимулираме јавниот и организираниот превоз во градските средини и во поголемите компании. Во индустријата, ќе обезбедиме нови поволни кредити за замена на еколошки застарени технолошки линии за производство и инсталација со ефикасни системи за намалување на загадувањето на воздухот“, изјави Манчевски.

Но, прв и најважен чекор за намалување на загадувањето, вели тој е смената на власта. 

„Само нова и одговорна власт може да го намали загадувањето на воздухот. Само нова и одговорна власт може да го подобри квалитетот на животот на граѓаните“, тврди потпретседателот на СДСМ.