СДСМ: Скопје ќе даде за пајтон за 2,6 милиони денари, а ќе крати на осветлување!

Добивај вести на Viber

Градоначалникот Коце Трајановски и ВМРО-ДПМНЕ ги кратат средствата за клучните проекти од интерес на граѓаните на Скопје, обвини денеска Предраг Трпески, советник на СДСМ во Советот на Град Скопје. Според него, се ребаланс на градскиот буџет, се кратат средства за изградба на јавно осветлување за 16%, за изградба на магистрални и собирни улици за 21%, за изградба на сообраќајна сигнализација за 27%, а големо е намалувањето на средствата и за секторот образование кое изнесува 24%. Од друга страна, со ребалансот се зголемуваат трошоците за набавка на мебел, за изградба на катни гаражи, а се додаваат и нови ставки, како што е на пример набавката на нов пајтон, која Градот Скопје ќе ја субвенционира со 2,6 милиони денари. „Средствата за реализација на проектот Подземна сообраќајница, во износ од 90 милиони денари, со ребалансот на буџетот во целост се бришат. Со ова Градоначалникот Трајановски на граѓаните на Скопје практично им соопшти дека овој проект нама да се реализира и дека целта на истиот била само да се искористи во кампањата за локалните избори 2013 година“, вели Трпески, според кого ваквата политика претставува „непотребно луксузирање, на штета на граѓаните“.