СДСМ УБЕДЕНИ: Ќе има и конститутивна седница, и мандат за Влада!
Објавено во: Македонија 18 Март, 2017 11:57
Опозицијата убедена дека промени ќе има, а ќе има и конститутивна седница, и мандат за составување Влада и нова реформска Влада на граѓаните на Македонија.
Во реакцијата на адреса на ВМРО ДПМНЕ од СДСМ порачуваат дека Груевски и ВМРО-ДПМНЕ мора да се вразумат, да прифатат дека граѓаните не ги поддржуваат и се опозиција и да овозможат мирен трансфер на власта.
„Огромното мнозинство од граѓаните, на 11 декември избра промени со 700 илјади гласови. Граѓаните гласаа против милионските криминали и злоупотреби, против системското уништување на судството, медиумите, образованието, здравството, реагираат од .
Граѓаните гласаа за реформи, гласаа за повеќе пари во секое семејство преку зголемување на минималната и просечната плата, преку поврат на 15% ДДВ, преку укинување на радиодифузната такса и враќање на евтината тарифа на струјата. Граѓаните гласаа за квалитетни јавни услуги, квалитетно образование и здравство“, стои во реакцијата од кабинетот на Заев.
Оттаму посочуваат дека приоритетите содржани во Програмата на новата Влада на Република Македонија се единствениот реален документ кој ги гарантира промените и животот за сите граѓани подеднакво во унитарна и суверена Република Македонија.
Тие потенцираат дека во обид за спас Груевски и криминалното раководство на ВМРО-ДПМНЕ прават поделби и шират омраза меѓу граѓаните, и за тоа дури злоупотребуваат и деца.
Oд партијата на екс премиерот пак цврсто стојат на ставот Заев да ја отфрли платформата која според нив е од Тирана.
„Веќе подолг период СДСМ и аболицираниот Зоран Заев молчат и не излегуваат со одбивање на Тиранската Платформа. Тие се подготвени да предводат Тиранска Влада базирана на темели на Платформа формирана во странска држава под диктат на странски премиер“, обвинуваат од ВМРО ДПМНЕ.
Оттаму уште еднаш порачаа дека остануваат на својата принципиелна понуда, а тоа е дека доколку СДСМ се откаже од Тиранската Платформа и реализацијата на елементите содржани во неа, ќе му дадат поддршка на СДСМ и Зоран Заев да формираат влада.
Можеби ќе ве интересира
ФАКТОР НА ДЕНОТ: Надминат прагот на загадување во повеќе општини, издадени се препораки
ПРЕПОРАКА: Бремените и хронично болните да се ослободуваат од работа
(ВИДЕО) Русковска го пријавила Боки 13 во полиција за телефонско вознемирување
Мицкоски за реакцијата на грчкото МНР: За мене Македонија е свето име
Двајца затаиле данок од над еден милион евра од трговија со злато и накит, обвинителството бара притвор
Пријава од полиција: Кандидат за градоначалник давал по 1.000 денари за да се гласа за него
ГОТОВ Е ОБДУКЦИСКИОТ НАОД НА ПОЧИНАТОТО НОВОРОДЕНЧЕ: Причина за смртта е незрелост на белодробието
ВМРО-ДПМНЕ ИЗГЛАСАЛЕ ИЗМЕНИ НА ЗАКОНОТ ЗА СТРАНЦИ: Кузеска тврди тоа е за потребите на стратешкиот договор, за стратешки проекти
Надминат прагот на загадување во Центар, Гази Баба, Карпош, Лисиче и Ректорат, објавени мерки и препораки
