15 Април, 2021
0.0243

СЕ БЛИЖИ KAТОЛИЧКИ БОЖИК И НОВА ГОДИНА: Сточарите не знаат по која цена ќе ги продадат јагнињата

Објавено во: Македонија, Агробизнис 23 Ноември, 2020

Се ближи католичкиот Божиќ и Нова година, а сточарите во Македонија се во голема неизвесност дали и по која цена ќе ги продадат јагнињата.

Дополнително, и пандемијата на коронавирусот може да ја усложни работата. Македонското јагне најмногу се бара во Италија и Хрватска. Доколку не се пласира во странство, мaкедонското јагне се очекува да заврши на домашниот пазар.

„Уште не знаеме ништо како ќе биде оваа година. Сточарството е пред колапс. Ние имаме трошоци за храна, мораме да платиме овчари, и сега е важно да ја поминеме зимата. Јагнињата се продаваат за католички Божиќ и Нова година, но исто така важен е и Велигден. Македонското јагне оди на пазарите во Италија, Грција, Хрватска“, вели Скендер Аме, од Здружението на сточари Даши од Дебар.

Митко Јанков од Агроцентар Велес вели дека вообичаено субвенциите доцнат, и тоа создава проблем за сточарите. Додава дека последните неколку години беа лоши за оваа гранка. Вели дека уште не знаат по која цена ќе се продаваат јагнињата, но доколку биде по 140 денари за килограм како што слушнале, тоа за нив е неприфатливо.

„Ако биде таа цена, тоа нема да биде добро ниту за едните ниту за другите. Нашето јагне се бара во Италија каде се смета за деликатес. Грција има доволно јагниња, но го зема македонското јагне и најверојатно го препродава. Имаше некои мали количини, се спомна дека се извезени во Јордан, но сепак треба да се бараат и нови пазари. И сега на пазарите во Македонија се продаваат овци, но нема кој да ги купи, затоа што сточарството е пред колапс, се работи „од нив за нив“, и никој не сака да си стави „здрава нога во трн“, рече Јанков.

Тој вели дека одгледувачите на овци се револтирани, затоа што имаат високи трошоци, а цените на јагнето не се на задоволително ниво.

Ако ги погледнеме статистичките податоци од Државниот завод за статистика, во 2019 во однос на 2018 година бројот на овци во земјава е намален.

Сања Атанасовска

Можеби ќе ве интересира

Шекеринска: Од 1 мај се повлекуваме од Авганистан

Шекеринска: Од 1 мај се повлекуваме од Авганистан

ДОДЕКА СЕ ЧЕКААТ НОВИТЕ ДОЗИ НА ФАЈЗЕР: Од денес ќе се вакцинираат граѓани на 73 и 74 години

ДОДЕКА СЕ ЧЕКААТ НОВИТЕ ДОЗИ НА ФАЈЗЕР: Од денес ќе се вакцинираат граѓани на 73 и 74 години

До каде стигна судењето за „Меѓународен сојуз“ во кој се обвинети Јовановски, Ременски и Мандиќ?

До каде стигна судењето за „Меѓународен сојуз“ во кој се обвинети Јовановски, Ременски и Мандиќ?

ДИМИТРОВ НА ЕВРОПСКА ТУРНЕЈА: Прва средба со министри од Виена

ДИМИТРОВ НА ЕВРОПСКА ТУРНЕЈА: Прва средба со министри од Виена

ПРОТЕСТ СО АВТОМОБИЛИ: КСС вели „Доста е, претеравте“

ПРОТЕСТ СО АВТОМОБИЛИ: КСС вели „Доста е, претеравте“

САМО ПО НЕКОЈ ПАНИЧЕН НАПАД И ЛЕСНИ СИМПТОМИ: По повеќе од 30.000 вакцинирани, ниту еден случај со сериозни несакани ефекти

САМО ПО НЕКОЈ ПАНИЧЕН НАПАД И ЛЕСНИ СИМПТОМИ: По повеќе од 30.000 вакцинирани, ниту еден случај со сериозни несакани ефекти

По Дојран, се преговара и со други општини да овозможат попусти за српските туристи

По Дојран, се преговара и со други општини да овозможат попусти за српските туристи

Љупчо Николовски бара соработници, плата до 37.625 денари

Љупчо Николовски бара соработници, плата до 37.625 денари

Ќе се прошири истрагата за „Двојник“

Ќе се прошири истрагата за „Двојник“