Добивај вести на Viber
Ќе се отстранува дивиот пазар на стари работи , кој се наоѓа веднаш под Скопското Кале, познат и како „Бувљакот“. Како што најавија од општина Центар, акцијата за расчистување на пазарот започнува утре.
Со оглед на тоа што дивиот пазар е веднаш до Царина на Република Македонија и базенот Плаја Виста, вработените овде се жалат на ужасната миризба и отпадот кој се наоѓа пред нивните капии.
„Пет години никој не се погрижил да се расчисти сметот, кој е жариште и непосредна опасност за секакви заразни болести. Тука се расфрлени стари точаци, јамболии, канти, кеси, обувки, распадната облека, пластика“, забележуваат од општината и информираат дека акцијата ќе се реализира со една градежна машина-утоварувач, 10-тонски камион и еден помал камион , а 50-тина работници ќе го чистат сметот и ќе го уредуваат теренот.
Сметот ќе се носи на Дрисла, а ќе просторот ќе биде затворен за секакви активности и движење, најавуваат од општината.