Се донесоа стратегии за извоз на овошје и зеленчук, следува да се одработи на терен
Објавено во: Агробизнис 29 Април, 2013
Стратегиските маркетинг планови за извоз на свежо и преработено овошје и зеленчук се донесоа од страна на Агенцијата за странски инвестиции и промоција на извозот на Македонија, АгБиз програмата на УСАИД и Владина холандска агенција ЦБИ во соработка со компанијата „Македонија Експорт“. Крајната цел е зголемување на извозот на земјоделските производи на странските пазари, односно зголемување на учеството на традиционалните, освојување на нови пазари како и нивна поголема конкурентност. Заклучоците од овие маркетинг планови треба да бидат интегрирани во годишната програма за работа на Агенцијата за странски инвестиции и промоција на извозот на Македонија во делот на поддршка на промоција на извозот.
Србија, Словенија, Германија, Русија, Канада се дефинирани како главни пазари за извоз на преработено овошје и зеленчук, а за извоз на свежо овошје и зеленчук пак се одредени пазарите Србија, БиХ,Чешка, Русија и Бугрија.
Министерот за економија Ваљон Сараќини истакна дека зголемувањето на извозниот потенцијал е неопходен поради малата економија.
-Меѓународните пазари се поконкурентни и пософистицирани, па оттука и потребата за помош на извоз на македонски земјоделски производи.Потребни се инвестции во производството на овошјето и зеленчукот, па така и дизајнирањето на глобална маркетинг стратегија е повеќе од потребна. Потребна е хоризонтална и вертикална координација на засегнатите страни за поголема оптимизација на ресурсите и максимален ефект од извозот,“ изјави Сараќини.
Петар Лазаров од „Македонија експорт“, партнер на проектот се надева дека овие две стратегии нема да завршат во фиока.
-Како заклучоци кои се донесени се: зголемување на квалитетот на производството, вертикална и хоризонтална интеграција, подобрување на трговската регулатива, стратешки пристап, едукација, маркетинг,продажба и извозна стратегија,“ изјави Лазаров.
Во текот на 2012 и почетокот на 2013 овие институции спроведоа шест рботилници за развој на маректинг планови за извоз на свежо овошје и зеленчук и преработка од овошје и зеленчук. Беа вклучени сите засегнати страни, па оттука се значајни и препораките кои се вметаните во стратегиите.
Земјоделскиот сектор учествува со 12 отсто во БДП, а една петина од работната сила во земјата работи во земјоделието. Од вкупниот генерираниот ивоз, 10 отсто отпаѓаат на земјоделието.Извозот на земјоделски производи во 2007 година изнесуваше 29,6 илјади тони, а во 2013 тој 40,5 илјади тони. Во вредност пак, во 2007 година 26,6 милиони евра а во 2013 година е поголема за 20 милиони односно 46,1 милион евра.
Можеби ќе ве интересира
ВО МАКЕДОНСКИТЕ ПЧЕЛАРНИЦИ СÈ ПОЧЕСТО ИМА ДРВЦА ПАУЛОВНИЈА: Кој е бенефитот од нив?
ВО МАКЕДОНСКИТЕ ПЧЕЛАРНИЦИ СÈ ПОЧЕСТО ИМА ДРВЦА ПАУЛОВНИЈА: Кој е бенефитот од нив?
