СЕ Е ДОБРЕДОЈДЕНО: Најпознатата болница на Менхетен очајнички бара донации
Објавено во: Свет, Корона Вирус 05 Април, 2020
Њујоршката Маунт Синаи болница, во која во моментов има
околу 1.100 пациенти заразени со коронавирусот, моли за помош. Бараат секаков
вид донации, топол оброк за медицинскиот кадар, седнвич за лекар или медицинска
сестра, заштитни маски, ракавици, до респираторни апарати.
Донаторите сами може да изберат со колку пари ќе помогнат. Листата изгледа вака:
– 1.000 долари за купување на вентилатор
- 500 долари за тестирање на антитела на коронавирус
- 250 долари вечери за оддел од 10 вработени
-100 долари за пет заштитни одела
-50 долари за три кутии ракавици
- 25 долари за два штитници за лице и очила
- 20 долари за Убер возење на една медицинска сестра до нејзиниот дом
-10 долари за ручек на еден здравствен работник.
Оваа реномирана здравствена установа основана уште во 19 век, во текот на изминатат недела потклекна пред пандемијата. Во налетот на бранот болни, здарвствените работници останаа целосно без опрема, па некои од медицинските сестри беа приморани да се штитат со ќеси за ѓубре.
Од 300.000 заразени во САД, само во Њујорк до денеска има околу 65.000, од кои 2.600 починаа.