Се менува Законот за тутун
Објавено во: Агробизнис 10 Јули, 2013
По итна постапка, македонските пратеници, денеска, ги донесоа измените во Законот за тутун и тутунски производи.
Целта на измените според заменик-министерот за земјоделство, шумарство и водостопанство, Зоран Коњановски, е, пред се, усогласување на правната рамка со измените на Законот за акцизи.
Според измените, надоместокот што досега го плаќаа правните лица произведувачи или увозници на тутунски производи се укинува и ќе биде обединет во заедничка, комбинирана акциза со ист фискален ефект кој и до сега беше распределуван на Министерството за земјоделство од државниот Буџет.
Измените предвидуваат да се укине и надоместокот на тутунските добра, односно се обединува со акцизата за тутунските производи.
Новиот Закон предвидува средствата за финансирање на активностите во примарното тутунско производство и за промоција на извозот да се обезбедуваат од Буџетот на Република Македонија.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
