СЕ ОЧЕКУВА ЖОЛТА ФАЗА: Oва се препораките кои мора да ги почитувате
Објавено во: Македонија 05 Август, 2019
Дирекцијата за заштита и спасување (ДЗС) во согласност со најавите од УХМР за топлотниот бран што се очекува да ја зафати земјава во наредните денови, излезе со препораки.
Од четврток до средината на наредната недела, ќе биде активирана жолта фаза за високи температури, а во некои региони и портокалова фаза.
„Да не се фрлаат цигари и догорчиња, стаклен отпад и стаклени шишиња, да не се пали оган и скара на отворен простор и шума, да не се дозволува децата да си играат со запалки, пламен и жар, да не се пали отпад и друг горлив материјал, ниту стрништа и меѓи, а ако се забележи пожар веднаш да се извести Територијалната противпожарна единица на бесплатниот телефонски број 193. Покрај основните препораки за однесување во вакви услови, ДЗС презема и мерки за превентивно делување за заштита од можни шумски пожари и други пожари на отворен простор. Воедно апелира до општините, граѓаните и посетителите на земјава, да внимаваат кога се на отворено“, стои во соопштението.
Дирекцијата потсетува дека од март е донесена забрана за движење во шума и шумско земјиште освен за вработените во ЈП национални шуми, а со цел зачувување на шумите.