Се огласи и сопругата на Ѓоковиќ: Земам длабок здив за да се смирам

Добивај вести на Viber

Новак Ѓоковиќ Божиќ го поминува во азилантски центар во Австралија, каде што го чека разврската на ситуацијата по жалбата за одбиената виза за влез во земјата, а за тоа време неговото семејство нервозно следи што се случува. За прв пат проговори и неговата сопруга Јелена, која за време на Божиќната ноќ напиша емотивна порака и дека ова искуство ќе ги направи посилни

„Ви благодарам драги луѓе ширум светот што го искористивте вашиот глас за да испратите љубов и поддршка до мојот сопруг. Земам длабок здив за да се смирам и да најдам благодарност (и разбирање) за се што се случува сега. Единствениот закон што сите треба да го почитуваме без разлика каде сме е Љубовта и почитта кон другите луѓе. Љубовта и простувањето никогаш не се грешка, туку моќна сила“, напиша таа.

Да потсетиме, австралиските власти решија да го депортираат Ѓоковиќ по неговото пристигнување во Мелбурн, а потоа беше сместен во хотел со мигранти, а беше дури и во аеродромски притвор.

Ѓоковиќ вчера помина околу осум часа на аеродромот во Мелбурн, драмата започна по слетувањето од Дубаи, а заврши со одлуката да биде депортиран најдобриот тенисер на светот назад во Србија.

Отвореното првенство на Австралија на Новак му даде медицинско ослободување што, барем така се мислеше, му овозможи да влезе во земјата без строгите протоколи што ги има Австралија. Меѓутоа, властите на Викторија не го испочитуваа поради проблеми со документацијата, бидејќи податоците на тимот на Новак и податоците од изземањето не се поклопувале - јавуваат локалните медиуми.

Одлучено е Ѓоковиќ да биде депортиран, по што беше префрлен во хотел за мигранти каде се уште се наоѓа и каде условите за живот не се соодветни, пишуваат медиумите. Адвокатскиот тим на најдобриот играч на светот поднел жалба до судот на Викторија, а одговорот на тоа ќе го знаеме во понеделник кога ќе се разреши целата работа.