Се ограничува движењето на чамци и скутери во македонските езера

Добивај вести на Viber

Сите скутери и чамци од утре, па се до крајот на летната сезона ќе треба да се придржуваат на новиот режим за нивно двожење во водите на природните езера низ земјава. Така, според одредбата која важи до до 31 август, од 11 до 19 часот се воведува забрана за движење на скутери во Охридското, Преспанското и Дојранскот Езеро, додека чамци е забрането да пловат по езерата во периодот од 21 до 05 часот. Како што изјави првиот човек на Капетанијата Горан Устијаноски, ова е неопходно за безбедност луѓето во езерата. Истовремено портпаролот на СВР Охрид Стефан Димоски најавува засилени контроли на полиција, во соработка со Капетанијата и Езерската полиција,  по водите на Охридското Езеро. Од полицијата појаснуваат дека за поголема безбедност на Охридското и Струшкото крајбрежје ќе има постојани контроли и на копно покрај плажите, но и цивилни полицајци ќе патролираат низ водите. „Езерската полиција изминатата недела направи мониторинг на состојбите долж Охридското крајбрежје и не се забележани прекршоци. Со стапување на сила на одлуката ќе продолжат интензивните контроли од Езерска полиција на вода, но и на копно“, нагласи Димоски. За непочитување на одлуката предвидена е глоба од 800 евра. Воведувањето на ограничувањето беше направено по низата трагични настани кои изминатите години се случија во водите на македонските езера, каде од скутери настрадаа повеќе капачи.