Се отвора нова меѓународна градинка во Скопје

Добивај вести на Viber

Нова градинка според меѓународни стандарди ќе започне да функционира во Скопје. Градинката St. Paul’s е намената за деца од 2 ипол до 5 годишна возраст. Ќе ја раководи менаџментот на CEL Global во Македонија, а ќе биде според стандардите на претшколските установи кои функционраат во Канада и Англија. -Градинката ќе работи по програма со примарен фокус за развој на љубовта кон учењето кај најмладите. Секое дете се раѓа како креативец, се раѓа љубопитно и уникатно, а добра програма за учење е пресудна за истакнување на овие квалитети кај секое дете, помагајќи му да се потпира на своите квалитети и вештини при достигнувањето на своите социјални, емоционални, физички и литературни цели“, изјави генералниот менаџер на Cel Global, Гурав Семвал. Јазикот на кој дечињата ќе имаат интеракција е англиски. Одговорните велат дека ќе се избегнуваат сите методи кои ќе предизвикуваат механичко размислување на децата, а ќе се форсираат методите во кои децата ќе развијат креативно и критичко размислување и погледи кон светот. Градинката ќе нуди програми за повеќе возрасти, кои, покрај типичните активности наменети за деца од претшколска возраст, ќе содржат и нестандардни креативни активности: градинарство, научно катче, аеробик, јога, базени, како и вежби за развој на интелигенцијата на децата. -Градинката ќе биде лоцирана во населбата Тафталиџе. Во моментов го подготвуваме стручниот тим на истакнати едукатори од Велика Британија и од Канада да ја посетат Македонија, кои ќе имаат за цел да ја постават основата на градинката според пропишаните стандарди. Тимот ќе пристигне во јуни и ќе го основа училиштето.“ додаде Семвал. CEL International досега има големо искуство во делот на едукација спроведувајќи слични проекти насекаде во светот кои ќе се етаблираат во Македонија. Се планира да се изгради средно училиште според високи светски стандарди и проектот во блиска иднина ќе се промовира.  Како нивна голема инвестиција е изградба на студентски кампус во Велес, каде покрај сегментот услуги, ќе се нуди целосна едукација за менаџмент, маркетинг, технолошки и технички науки.