12 Декември, 2018
0.3207
    ALK 8298.81    0.33%     BESK 9000    0%     FERS 67900    -3%     GRNT 809.83    -0.13%     KJUBI 1590    2.58%     KMB 5145.51    1.65%     KONZA31 315    0%     MPT 47500    1.06%     MTUR 4900    1.03%     PKB 14300    -4.03%     PTRS 3075    0%     RMDEN16 97    -0.31%     RMDEN17 96.5    0%     STB 1290    0.78%     STIL 120.22    -1.46%     TNB 14170.18    0.14%     TTK 1280    2.78%     UNI 2300    3.09%     VROS 14640    0%

Се помалку комунални сметки за работа кај извршителите

Објавено во: Анализа 29 Октомври, 2018

Вкупно 10.397 неплатени сметки за комунални услуги оваа година, по првите девет месеци од 2018-та, се „скенирале“ против физичките лица од страна на стотина извршители низ Македонија.

Од околу 15 милиони сметки за струја, вода и затоплување кои годишно пристигнуваат на адреса на македонските домаќинства, односно поединци, тоа значи дека процентот на крајот од годината, ако се задржи истото темпо како и по првите три квартали, ќе биде под 0,1 отсто.

Претседателот на Комората на извршители Зоран Димов вели дека свесноста на граѓаните за доброволно плаќање на своите обврски значително се зголемила, согласно податоците прибавени од давателите на комунални услуги.

- Во годините со најголем број на барања за извршување од овој тип имало 120.000 вакви предмети што претставува помалку од 1 % сметки кои стасуваат до фазата на присилно извршување. За пример , во оваа година, во изминатите 9 месеци само 10.397 барања за извршувања по основ на комунални долгови се поднесени до извршителите во РМ, што јасно говори за степенот на финансиската дисциплина на граѓаните во РМ - изјави Димов.

Во годишниот извештај на Комората на извршители, во 2017-та имало дури 88.723 барања за извршување, од кои не е познато колкав е делот по основ на неплатени комунални сметки од страна на физички лица, но за очекување е поголемиот дел од оваа бројка да паѓа токму на нив.

Оваа година, досега по првите девет месеци се отворени 70.895 предмети против физички лица за овој период. 

Комората оваа година достави свој предлог до Владата да иницира измена во регулирањето на течењето на каматата, на начин што казнената камата за комуналните долгови би се лимитирала и би се предвидело таа да тече до постигнување на висината на главниот долг. Од ваквото решение најголема корист би имале тужените должници.

(А.К.)

Можеби ќе ве интересира

На продажба ли е „Фруктал“ во Македонија?

На продажба ли е „Фруктал“ во Македонија?

На Македонија ќе и фалат неколку илјади текстилци и чевлари?

На Македонија ќе и фалат неколку илјади текстилци и чевлари?