Добивај вести на Viber
Во текот на минатата година од аеродромите во Македонија се регистрирани вкупно 906.871 патници, што претставува пораст од 8,7 отсто во однос на бројот на патници 2011 година, соопшти денеска Министерството за транспорт и врски.
Во 2012-та зголемување на бројот на превезени патници е забележано на аеродромот “Александар Велики“ во Скопје, каде биле превезени 828.831 патници што е за 9,1 отсто повеќе споредено со бројот на патници во 2011 година. Исто така, пораст од пет отстое забележан и на аеродромот “Св. Апостол Павле“ во Охрид, каде минатата година биле превезени 78.040 патници.
Најголем пораст има во бројот на патници на редовните линии, што се должи на воведувањето нови директни дестинации. На редовни линии во 2012 година се регистрирани 715.183 патници, што е за 13 проценти повеќе од 2011 година кога на редовни линии патувале 632.970 патници.
Според соопштението за транспот и врски по реализирањето на проектот за модернизација на македонскиот аеродромски систем по пат на концесија, забележан е континуиран раст на бројот на патници и летови и на компании кои оперираат на нови дестинации. Исто така, дополнително зголемување на бројот на патници е овозможено со имплементирањето на Проектот на Владата за финансиска поддршка за поттикнување и развој на воздушниот сообраќај.