СЕ ШИРИ ЛАМБДА, НОВ СОЈ ПОТВРДЕН ВО 29 ЗЕМЈИ: Научниците ја проучуваат оваа многу позаразна варијанта

Добивај вести на Viber

Светската здравствена организација (СЗО) деновиве посветува посебно внимание на варијантата на корона вирусот Ц37, познат како варијанта од Андите или ламбда, бидејќи доведува до чести инфекции и се јавува истовремено во неколку земји.

Пред една недела, СЗО го класифицираше вирусот како „под опсервација“ (ВОИ, варијанти од интерес), бидејќи беше потврден во 29 земји, а седум од нив се земји од Латинска Америка, Бразил, Колумбија, Еквадор, Мексико, Аргентина, Перу и Чиле, пишува Дојче веле.

Варијантата ламбда прв пат се појави во август 2020 година во Перу, а скоро една година подоцна, тој вид доминира таму со 82 проценти, додека во Чиле во моментов предизвикува секоја трета инфекција.

Микробиологот од универзитетот „Кајетано Хереди“ во Лима, Пабло Кукајама и неговиот тим ја откриле оваа варијанта во нивната татковина и тој верува дека Перу, со 187 000 смртни случаи и највисока стапка на смртност во светот, станал местото каде што се појавил новиот вид.

Научниците велат дека ќе мора да се навикнеме на тоа дека во Латинска Америка се појавуваат нови соеви на вирусот корона, каде се регистрирани повеќе од милион смртни случаи.

Жаиро Мендез-Рико, експерт за вирусни болести на СЗО, за Дојче Веле изјави дека до сега нема сериозни интуиции за агресивно однесување на ламбда варијантата. Иако постојат можности за повисоки стапки на инфекција, се уште немаат темелни истражувања за да би можеле да го споредат со гама и делта варијантите.

Тој додаде дека вакцинацијата е најдоброто оружје против различните соеви.

Моментално гама и делта варијантите, како и претходните алфа и бета, припаѓаат во загрижувачките соеви. Докажано е дека се позаразливи, потешко се лекуваат и носат потешки заболувања.

Но прашањето е дали ламбда сојот е  само почеток на целиот хаос во светот? Многу лекари тврдат дека на пандемијата ќе и дојде крајот откако 80% од населението во светот ќе биде комплетно вакцинирано, а до тогаш вакви нови варијанти на вирусот само ќе се појавуваат.