Сеад Кочан се крие во близина на Пеќ?
Објавено во: Македонија 25 Март, 2017
Бизнисменот Сеад Кочан во моментов се крие во местото Витомирица во близина на Пеќ, на Косово, тврдат извори кои се инволвирани во потрагата по него, објави а1он.
Според одредени извори, Кочан секојдневно ги менува локациите поради меѓународната потерница издадена за него. Во Косово за него е задолжен и му помага извесен Геро, сопственик на фирма за транспорт „Геро реисен“ од Нови Пазар.
Истите извори говорат дека Сеад Кочан престојува на Косово додека не биде завршено засолништето што му се подготвува во местото Сјеница, под планината Пештер на Санџак.
Кочан е првоосомничен во случајот „Труст”, во кој се товари за фалсификување на документи за добивање на тендер од ЕЛЕМ тежок 17 милиони евра, државни пари.
Тој преку Интерпол се бара во сите земји за издржување на 30 дневен притвор кој му беше одреден од Кривичниот суд во Скопје.