Себастијан Курц даде свое видување за тоа колку време ќе живееме со коронавирусот
Објавено во: Свет, Корона Вирус 25 Јули, 2021
Песмистична е прогнозата за коронавирусот која ја даде австрискиот канцелар Себастијан Курц. Тој процени дека коронавирусот ќе остане, и тоа не само една година.
Вели дека неговата влада ќе одговори на тој предизвик како и досега со ограничувања колку што е потребно.
„Тој ќе биде меѓу нас за една година, за три или дури пет години“, изјави Курц за„ ТВ Сервус.
Во Австрија ќе се бара потврда за вакцинација, потврда за прележан коронавирус или негативен тест. Локално може да се воведе носење на маски ако е потребно и каде е потребно.
Во Европа властите се загрижени поради новата делта-варијанта на вирусот и порачуваат до државите да се зајакнат напорите за да се спречи трансмисијата. Најновите податоци покажуваат дека делта-сојот на Ковид-19 се шири брзо низ Европа.