Сега Јовановиќ тврди дека Македонија нема превработена администрација

Добивај вести на Viber

За Бранимир Јовановиќ јавната администрација која изнесува од 18% од вкупно вработениот број на луѓе во Македонија е еден од најниските во Европа ако се направела споредба на пример со Словенија каде процентот на јавна администрација изнесувал 30% од работната сила која има работно место или Данска со 35%. 

Ваквите тврдења на советникот во министерството за финансии беа дадени за време на верашната дебата на „Анализа“ на ТВ 24 и се големо изненадување бидејќи на некој начин го оправдуваат огромниот број на вработени под државна капа за кои годишно од буџетот се издвојуваат стотици милиони долари.

Јовановиќ кој беше дел од повеќе институти, движења за солидарност, како и партијата Левица, често говореше дека негова главна политичка определба меѓу другото е да се искористат државните пари за одговорни политики на власта, за поголеми капитални ивестиции и корисни проекти наместо за плаќање на партиски војници во државните институции. 

Стручната јавност во изминатите години укажуваше дека бројот на вработените во јавната управа преминува 40 проценти од вкупно вработените во државата. Буџетот секоја година како и оваа се крои за да ги задоволи потребите на вработените во јавната администрација како и за социјалните трансфери кои вкупно надминуваат 2 милијарди долари и тоа не може да се смени преку ноќ, а исто така во предвид се земаат и покачувањата на плати на годишно ниво. 

Мора да се размислува за ставање лимит за нови вработувања во јавната администрација и да се оди кон подобрување на ефикасноста на веќе вработените кадри кои треба да обезбедат поквалитетна услуга за граѓаните, а исто така да се спречи и трендот на наградување на партиските војници со масовни вработувања по добиени избори. Токму ваквите негативни појави Јовановиќ како економски професор и левичарски активист ги критикуваше додека беше дел од опозициското движење.