Сеизмолошката опсерваторија регистрираше земјотрес со јачина од 4,5 степени
Објавено во: Македонија 11 Јануари, 2022
Земјотрес со локална Рихтерова магнитуда од 4,5 степени регистрираше Сеизмолошката опсерваторија при Природно-математичкиот факултет во Скопје попладнево во 16.14 часот во Грција.
Според досегашните податоци, земјотресот е најсилно почувствуван во градот Битола и околината со интензитет од V степени според Европската макросеизмичка скала, соопшти Опсерваторијата.
Епицентарот на земјотресот е во пограничното подрачје Битола – Лерин, на 120 километри јужно од Скопје.
Веќе три дена има земјотреси во делови од Македонија и Грција. Повеќе потреси ја стресоа Битола.