Секој ден во 15 часот нова статистика за бројот на новозаболени од коронавирусот
Објавено во: Македонија, Корона Вирус 31 Март, 2020
Министерството за здравство од денеска секој
ден во 15 часот ќе испраќа нови информации за ситуацијата со коронавирусот во
нашава земја, откако претходно Институтот за јавно здравје ќе ја достави статистиката
на денот за бројот на новозаболени пациенти.
Од Министерството за здравство информираат дека е зголемен обемот на работа и информации и е сè поголем бројот на тестирања во повеќе лаборатории кои ги доставуваат своите извештаи до ИЈЗ.
-Неопходно е да имаме точни, проверени и прецизни податоци и за таа цел го поместуваме времето за известување. Прес-конференциите остануваат да се одвиваат на редовна основа за сите дополнителни информации и прашања од страна на медиумите. Нашата служба за Односи со јавност е максимално посветена да одговори на секое прашање во најкус можен рок и тоа ќе продолжи да го прави и во иднина, информираат од Министерството за здравство.