Серија странски инвестиции најавени за летово
Објавено во: Економија 29 Мај, 2015
Летово се очекува инветсициско градежен бум во слободно економските зони.
Имено, се предвидува пет странски инвеститори почнуваат со изградба на новите фабрики гринфилд капацитети во индустриските зони и уште толку странски инвеститори почнуваат со работа во браунфилд закупените простории.
Портпаролот Ѓорѓиев најави за неполн месец инвестиција вредна 20 милиони евра на американската компанија Гентерм во зоната во Прилеп и истата би требало да вработи 2000 лица.
Камен темелник за јули се планира и за фабриката на германската ОДВ Електрик во Струга. Ќе вложи 15 милиони евра и најави нови 1.000 работни места. За два месеци во Штип почнува со градба италијанска Кондево, а во исто време тоа ќе го направи и турската Менсан Аутомотив и италијанската Монтанте Груп. „Дирекцијата за Технолошко индустриски развојни зони, е во финална фаза на подготовка на комплетната инфраструктура во сите зони кадешто треба да започне градбата на новите капацитети на странските инвеститори. Се чини веројатно дека во текот на летниот период ќе имаме една добра динамика за изградба на нивните нови капацитети“, вели портпаролот на Владата, Алексанадар Ѓорѓиев. Исто така турско-кинеската текстилна компанија Веибо во зоната во Ранковце планира да изгради повеќе фабрики чиј обем на производство би изнесувал над 180 милиони долари и повеќе од 5.500 работни места. Амфенол во Кочани работи во браунфилд капацитет и планира изградба на гринфилд капацитети се планираат 2.000 вработувања. Леар во Гостивар планира исто толку. Предвидени се инвестиции во услужните дејности, аутсорсингот, информатичко комуникациски фирми, но и инвестиции во рударството.