„Шанса за живот“ – кампања за донации на ОКТА

Добивај вести на Viber

„Шанса за живот“ е кампања на ОКТА за донирање инкубатори во одделението за интензивна нега на Клиниката за детски болести. ОКТА ќе донира пари и дополнително ќе издвојува сума од секоја продажба на гориво на нејзините бензински пумпи. Кампањата ќе трае до крајот на ноември оваа година. Целта на кампањата е опремување на одделението за интензивна нега на Клиниката за детски болести со инкубатори и друга неопходна апаратура што е потребна за нормално функционирање. „Како социјално одговорна компанија ние сме одлучни да помагаме онаму каде што е потребна помош. Имајќи ја предвид моменталната состојба во ова одделение на Детската клиника, каде што предвремено родени бебиња и деца со компликации секојдневно се борат за живот, започнавме соработка со Клиниката за собирање средства. Дел од тоа ќе биде донација од ОКТА, а дел ќе биде од продажбата на гориво на бензинските пумпи на ОКТА“, изјави главниот извршен директор на ОКТА, Виктор Папаконстантину. Компанијата ја избра Клиниката за детски болести за донацијата затоа што во интензивното одделение се сместени сите предвремено родени бебиња и бебиња родени со компликации и каде што нивните животи зависат од тоа колку добро е опремено ова одделение и од медицинската нега што ја добиваат таму. Моменталната состојба во ова одделение е повеќе од драматична поради старата опрема. Потребата за реновирање на медицинската апаратура е итна и со голема приоритетност. Структурата на кампањата е создадена да влијае и да ги вклучи сите граѓани низ цела држава и да ја подигне нивната свест за моќта да се предизвика промена.