Шефицата на австриската дипломатија на работна посета во Македонија
Објавено во: Македонија 27 Март, 2018
Денес на работна посета во Ракедонија Македонија ќе престојува сојузниот министер за Европа, интеграции и надворешни работи на Република Австрија, Карин Кнајсл. На средбата треба да се сретне со министерот за надворешни работи на Република Македонија, Никола Димитров.
Според информациите од МНР на средбата ќе се разговара за севкупните билатерални односи меѓу двете земји, економските потенцијали за соработка и нивното натамошно продлабочување.
Фокусот на разговорите ќе биде ставен и на европската интеграција на Република Македонија и приоритетите на австриското претседателство со Европската унија во втората половина од 2018 година, а во светло на Стратегијата на Европската комисија за проширување со земјите од Западен Балкан до 2025 година.
Во рамките на посетата, министерката Кнајсл ќе оствари средба и со премиерот Зоран Заев, како и со вицепремиерот задолжен за европски прашања, Бујар Османи.