Шефот на косовската тајна служба се мешал во тендери

Добивај вести на Viber

Без позитивна оцена останал шефот на косовската тајна служба Башким Смакај на парламентарната комисија и советувано му е да не се меша во тендерите откако е откриено е дека вршел притисок тендерот за изградба на зградата на тајната косовска служба во Призрен да го добие бизнисменот кој условно е осуден поради измама, пишува денеска весникот „Коха диторе“. Смакај на менаџерот на компанијата која го добила тендерот за зградата на тајната косовска служба во Призрен вршел притисок да се откаже од тендерот, по што менаџерот го пријавил на правосудните органи, открива весникот. Според „Коха“, тој обелоденил дека шефот на тајната служба истиот тендер го „средил“ за Шемси Халити, сопственикот на компанијата „Пограничен појас“, кој е осуден на една година затвор условно поради измама во работите во Министерството за заедници и враќање, каде е утврдено дека презентирал лажни и фалсификувани документи за градење куќи за српски жители кои се враќале во Косово, а куќите никогаш не биле изградени. Покрај овој случај шефот на косовската тајна служба, се соочува и со разни обвиненија за лошо раководење и притисоци.