Шеснаесет македонски фармери ќе заминат во Холандија
Објавено во: Агробизнис 20 Јуни, 2013
Шеснаесет фармери од Македонија ќе заминат за Холандија на обука за стекнување стручно образование за управување на земјоделски задруги.
Федерација на фармерите на Република Македонија во партнерство со„ Horti-Match“ од Холандија го објави огласот за учество на обуката која опфаќа 14 дневен престој во Холандија за време на есенскиот период. Ќе се изучуваат притоа теми кои се клучни за воспоставување на успешно управување со земјоделски задруги, како организациски модели, трендови и предизвици, претприемништво, поддршка на ранливи групи, како и посета на задруги.
Трошоците за храна и сместување, обуката и повратен авионски билет до Холандија се покриени од програмата. Истоа така, информативни сесии за културна и јазична подготовка на учесниците ќе се реализираат во летниот период од страна на Фондацијата Агро-Центар за Едукација.
Краен рок за пријавување е 23-ти јуни, до 23 часот.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
