Објавено во: Македонија 05 Август, 2020
Руси, Британци, Американци, Германци. Сите забрзано работат на вакцина против коронавирусот. Неколку од вакцините, односно шест, се во последната фаза, односно се тестираат на луѓе. За разлика од научниците, од Светската здравствена организација не се толку големи оптимисти. Напротив, многу се претпазливи.
Сепак, кога некоја од вакцините ќе бие дозволена за употреба, и земјава ќе претендира да обезбеди доволно количини за своите граѓани.
Дали навреме сме се „запишале“ како држава на светските списоци, за да дјдеме до вакцината кога ќе се врши нејзината распределба.
Од Минизтерството за здравство уверуваат дека Македонија навреме се приклучила кон проектот за навремено обезбедување на вакцините.
„Организациите GAVI/Глобална Алијанса за Вакцини и Имунизации, CEPI/Коалиција за Иновации за подготвеност за епидемии и WHO/Светска Здравствена Организација упатија покана до Владата на Република Северна Македонија да се приклучи кон акцијата/проектот за обезбедување глобален и рамномерен пристап до безбедни и ефективни вакцини за COVID-19 преку таканаречен COVAX механизам. COVAX механизмот (Глобален пристап до вакцини за Ковид 19) се очекува да резултира во изнаоѓање на вакцина и ставање на пандемијата под контрола во најбрз можен рок преку заедничко здружено инвестирање, споделен ризик, здружени набавки и рамномерна дистрибуција до земјите учеснички“, објаснуваат од Министерството за здравство.
Оттаму откриваат и дека во изминатиот период имало неколку состаноци, на кои се разговарало за детали околу испорака, набавка, количини и начин на дистрибуција.
„Ова практично значи, дека во моментот кога преку таканаречениот Ковакс механизам вакцината за Ковид-19 ќе биде достапна во светот, ќе може да се обезбеди и во нашата земја“, уверуваат од Министерството за здравство.
А веќе неколку вакцини се во напредна фаза. Покрај онаа од Оксфорд, и Русите тврдат дека досега нема негативни ефекти од нивната вакцина, а ветуваат дека до 10 август таа ќе биде испратена за одобрување.
Но, од СЗО брзо ги оладија надежите. Тие ја повикаа Русија да ги следи меѓународните упатства за производство на вакцини против Ковид-19, откако земјата соопшти дека ќе започне со вакцинирање на населението против коронавирус во октомври.
„Понекогаш некои истражувачи тврдат дека пронашле нешто, што секако е извонредна вест. Но, постои голема разлика помеѓу пронајдок или индикација дека поседуваат вакцина која делува, и вакцина што поминала низ сите фази“, изјави портпаролот на СЗО Кристијан Линдмаер. Руската вакцина не е на листата на СЗО со шест вакцини кои стигнале до трета фаза на клиничките испитувања. Руските здравствени власти во саботата објавија дека се подготвуваат да започнат со масовна вакцинација против коронавирус во октомври. Министерот за здравство Михаил Мурашко рече дека лекарите и професорите ќе бидат првите што ќе ја примат вакцината, а потоа постепено и остатокот од населението. Н.Н.Ф.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
„ФИЛИПЧЕ ИЗВРШИ ЛОБОТОМИЈА ВО ЖИВО, СО НЕГО И СДСМ МАКЕДОНИЈА БИ СТАНАЛА КЛИНИКА НАМЕСТО ДРЖАВА“: Латас распали за Конгресот на СДСМ
„ОД ВРЕМЕТО НА ЦРВЕНКОВСКИ НЕМАВМЕ СЛУШНАТО ТАКОВ ГОВОР НА ЛИДЕРОТ“: Спасов со пофални зборови за Филипче
АХМЕТИ ВО ШВАЈЦАРИЈА: Без Албанците, Северна Македонија нема иднина
ВИНСКИ САЕМ: Вучиќ се пофали дека убави жени има во Врање, Мицкоски вели има и во Македонија
БЕШЕ ГРАДОНАЧАЛНИК НА КРИВА ПАЛАНКА: Почина Борјанчо Мицевски
Еве ги најголемите економски патриоти! Кои се најголемите македонски извозници меѓу котираните компании?
ВО СРЕДА ЌЕ ИМА ЈАВНА БЕРЗАНСКА АУКЦИЈА ЗА 9,83 ОТСТО - кој ќе искешира 7,34 милиони евра за акции на „Македонијатурист“
Должник на МЕПСО од Косово пред суспензија од пазарот за електрична енергија
СЕ ОЧЕКУВА СТУДЕНО ВРЕМЕ: Teмпературата ќе се спушти под -10 степени
Доналд Трамп го проби мразот околу војната во Украина
Сите написи се користат само за лично информирање.
Преземање, нивно користење и реемитување се можни само со посебен договор со основачот на порталот.
© 2024 FAKTOR
